Portugal

| goberno = República unitaria semipresidencialista | dirixentes_títulos = Presidente
Primeiro Ministro | dirixentes_nomes = Marcelo Rebelo de Sousa
António Costa | fundación = Formación | fundación_fitos = • Soberanía
• Reino
• I República
• Democracia | fundación_datas = 1093
24 de xuño de 1128
25 de xullo 1139
5 de outubro 1910
25 de abril de 1974 | superficie = 92 212 | superficie_posto = 111 | superficie_auga = 0,5 | fronteiras = 1 214 | costas = 1 793 | poboación = 10 487 289 | poboación_ano = 2012 est. | poboación_posto = 80 | poboación_densidade = 113,73 | PIB = 267 491 millóns US$ | PIB_ano = 2012 | PIB_posto = 48 | PIB_per_cápita = 25 411 US$ | PIB_nominal= 212 454 millóns US$ | PIB_nominal_ano = 2012 | PIB_nominal_posto = 41 | PIB_nominal_per_cápita = 20 182 US$ | IDH = 0,816 | IDH_ano = 2013 | IDH_posto = 43 | IDH_categoría = Moi alto | moeda = Euro | moeda_símbolo = € | moeda_iso = EUR | xentilicio = Portugués, portuguesa | horario = WET (UTC) | horario_verán = WEST (UTC+1) | cctld = .pt | código_telefónico = 351 | prefixo_radiofónico = CQA-CUZ / XXA-XXZ | código_ISO = 620 / PRT / PT | membro_de = UE, ONU, OTAN, COE, OCDE, OSCE, FMI, OEI, CPLP, Unión Latina | nota1 = Ademais do portugués en todo o territorio, o mirandés é oficial en Miranda do Douro. | nota2 = Antes de 1999, Escudo. | nota3 = Nas Azores, UTC-1 (UTC en verán). }} Portugal (, en mirandés: ''Pertual''), oficialmente República Portuguesa, é unha República unitaria semipresidencialista situada en Europa Occidental. Ademais do territorio continental, no oeste da Península Ibérica, o territorio da República comprende os arquipélagos autónomos dos Azores e Madeira. Portugal ten unha extensión total de 92.212 km², e unha poboación de 10.487.289 habitantes no 2012. A súa capital é a cidade de Lisboa.

A terra dentro das fronteiras da actual República Portuguesa leva habitada continuamente dende a era prehistórica. Durante os seguintes séculos chegaron á Península Ibérica os romanos, seguidos tempo despois dos suevos e dos visigodos, así como posteriormente os musulmáns no século VIII. Trala caída do Imperio Romano, no ano 410 estabeleceuse no norte peninsular o Reino de Galicia, do cal sete séculos máis tarde, no ano 1128, se separaría a súa parte sur formando o que daría lugar ao actual Portugal. Nos séculos XV e XVI, na era dos descubrimentos, Portugal estendeuse por todo o mundo converténdose nunha superpotencia política, económica e militar, que levou a ser o primeiro imperio global.

O imperio portugués foi o máis lonxevo dos modernos imperios coloniais europeos, xa que durou case 600 anos, dende a captura de Ceuta en 1415 até a entrega de Macau a China en 1999 (''de facto'') ou a concesión da soberanía a Timor Leste en 2002 (''de iure''). O imperio estendeuse ao longo dun gran número de territorios que hoxe forman parte de cincuenta e tres Estados soberanos diferentes, deixando un legado de máis de 240 millóns de falantes de lingua portuguesa e varios de crioulos de base portuguesa. Porén, a súa influencia internacional veuse reducida considerablemente durante o século XIX, principalmente por mor da Independencia do Brasil, a súa principal colonia. Xa no século XX, a revolución do 5 de outubro de 1910, depuxo a monarquía logo de séculos baixo este sistema de goberno, estabelecendo a democrática pero inestable Primeira República Portuguesa, a cal sería substituída polo Estado Novo, un réxime autoritario de dereita. A democracia foi restaurada despois da Revolución dos Caraveis do 25 de abril de 1974.

Portugal é hoxe un estado desenvolvido de economía avanzada cun alto nivel de vida, sendo o décimo noveno país do mundo en 2005 en función do seu índice de calidade de vida. É ademais un dos países máis globalizados e pacíficos do mundo, ocupando o sétimo posto nesta clasificación no ano 2008. É á súa vez membro de diferentes organizacións internacionais como as Nacións Unidas, a Unión Europea, a Eurozona, a OCDE, a OTAN, o Fondo Monetario Internacional, a Organización Mundial do Comercio, Organización dos Estados Iberoamericanos e a Comunidade dos Países de Língua Portuguesa. Fornecido pela Wikipedia